विमा तथा राहत वितरण
सुर्खेत । मध्य पश्चिमाञ्चल ट्रक तथा टे«क्टर व्यवसायी संघ सुर्खेतले संस्थामा कार्यरत स्वर्गिय तीनजना व्यक्तिका परिवारलाई राहत वितरण गरेको छ । उक्त संस्थामा विगत लामो समय देखी कार्यारत रहेका स्व. रवि शाक्य, चम्पकबहादुर मल्ल र पुर्णप्रसाद पाण्डेका परिवारलाई सहयोग स्वरुप चेक वितरण गरिएको हो ।
त्यसै क्रममा यस संस्थामा २०५४/०९/०१ गतेबाट नियुक्ति भई कर्मचारी ईन्चार्जको रुपमा कार्यरत चम्पकबहादुर मल्लको २०७७ चैत ९ गते मृत्यू भएको थियो । उनको परिवारलााई विमा तथा राहत रकम ६ लाख ४८ हजार ६ सय ६५ रुपैयाँको चेक प्रदान गरिएको संघका अध्यक्ष चेतनकुमार थानीले बताए ।
अध्यक्ष थानीका अनुसार अर्का स्वर्गिय कर्मचारी रवि शाक्यको परिवारका सदस्यलाई पनि विमा तथा राहत स्वरुप चार लाख १५ हजार तीनसय ७८ रुपैयाँ बराबरको चेक वितरण गरिएको छ । उनि उक्त संस्थामा २०६४ जेठ २० गते देखि कार्यरत रहेका थिए । भने उनको मृत्यु २०७७ पुस २९ गते भएको थियो ।
त्यस्तै संस्थाका कार्यसमिति सदस्य समेत रहेका स्वर्गिय पुर्णप्रसाद पाण्डेको परिवारलाई समेत ट्रक तथा टे«क्टर व्यवसायी संघले राहत वितरण गरेको छ । उनको परिवारलाई राहत स्वरुप एक लाख ५० हजारको चेक हस्तान्तरण गरिएको छ । स्व. पाण्डे संस्थाको स्थापना काल देखि कार्यरत थिए । उनको मृत्यु भने यहिँ साउन ९ गते भएको संघले जनाएको छ ।
उक्त चेक संघका अध्यक्ष चेतनकुमार थानी, उपा–अध्यक्ष विजय भण्डारी, वरिष्ठ उपा–अध्यक्ष हरिबहादुर बिसीले सोमबार हस्तान्तरण गरेका थिए ।
