सर्वियाको जेन्जाजिनमा आयोजना हुने २८ औं एसकेडियुएन विश्व सोतोकान कराते च्याम्पियनसिपमा प्रतिस्पर्धा गर्न जाने नेपाल सोतोकान कराते संघ (एसकेडियुएन) का खेलाडी तथा अफिसियलहरु त्यसतर्फ लागेका छन् । कार्तिक २४ देखि २८ गतेसम्म हुने च्याम्पियनसिपमा ८ खेलाडीले प्रतिस्पर्धा गर्दैछन् ।

खेलाडीहरु चित्रबहादुर श्रेष्ठ, पञ्चराम लामा, रामनारायण श्रेष्ठ, फुर जङ्गबु लामा, राजु गिरी, मिलन बिक, राजु दनुवार र निक्सन लामाले प्रतियोगितामा नेपालको चुनौती पेश गर्न लागेका हुन् । नेपाली टोलीको अफिसियलमा विजयलाल श्रेष्ठ छन् । खेलाडी तथा अफिसियललाई संघका उपाध्यष नारायण खड्का र महासचिव गोविन्द श्रेष्ठले बिदाई गरेका हुन् ।