बाख्रा चराउन गएकी एक महिलाको भीरबाट लडेर मृत्यु
कालिकोट ।
कालिकोट पचालझरना गाउँपालिकामा बाख्रा चराउन गएकी रतना रोेकायाको भीरबाट लडेर मृत्यु भएको छ । उनी पचालझरना गाउँपालिका वडा नं. ४ राम्नाकोट निवासी हुन् ।
घर नजिकैको बनमा बाख्रा चराउन गएको बेला दिउँसो १२ बजे भीरबाट लडेर रोकायाको मृत्यु भएको पचालझरना गाउँपालिकाका– ४ का वडा अध्यक्ष अनरुप रोकायाले जानकारी दिए ।
‘उहाँ घर नजिकैको बनमा बाख्रा चराउन जानु भएको थियो करिब १२ बजे तिर २ सय मिटर तल खसेर उहाँको मृत्यु भइसकेको रहेछ,’ ‘वडा अध्यक्ष रोकायाले भने,’ ‘घर परिवार र गाँउमा साँझ तिर तिर मात्र थाहा भयो ।
वडा अध्यक्ष रोकायाका अनुसार मृतक रोकायाको शुक्रवार दाहसंस्कार गर्ने तयारी रहेको छ ।
