थपिए २४०७ कोरोना संक्रमित, ४६ जनाको मृत्यु
काठमाडौं : देशभर पछिल्लो २४ घण्टामा दुई हजार चार सय ७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. कृष्ण प्रसाद पौडेलले आइतबार १२ हजार चार सय ६ जनामा कोरोना परीक्षण गरेको जानकारी दिए । उनका अनुसार कोरोना संक्रमणबाट थप ४६ जनाको मृत्यु भएको छ भने तीन हजार ९ सय ९४ जना कोरोनामुक्त भएका छन ।
त्यस्तै काठमाडौं उपत्यकाभित्र भक्तपुरमा ५८,ललितपुरमा एक सय १२ र काठमाडौंमा चार सय ८३ गरी कूल ६ सय ५३ जनामा कोरोना संक्रमण पुष्टि भएको उनले बताए ।
