प्रदेश सभामा : मुख्यमन्त्री–मन्त्रीदेखि प्रहरी–प्रशासनको चर्को आलोचना

सुखेत, १२ जेष्ठ ।
सुर्खेतका प्रशासन प्रमुख र प्रहरी प्रमुखको चर्को आलोचना भएको छ । कर्णाली प्रदेश सभाको आइतबारदेखि सुरु भएको अधिवेशनमा सम्बोधन गर्ने प्रदेश सभा सदस्यहरुले आलोचना गरेका हुन । प्रदेश सरकारको एकैपटक हुने काममा दोहोरो खर्च,   प्रहरीकै सेटिङमा अण्डामा कालोबजारी लगायतका दर्जनाै‌ खबरदारी समाचारहरु युगआव्हान दैनिक पत्रिका र युगन्यूज डट कम अनलाइनमा प्रकाशित भएपछि  प्रदेशसभा संसदमा चर्को आलोचना भएको हो ।

हामीले गरेका खबरदारी

प्रहरीकै सेटिङमा अण्डामा कालोबजारी

एसपी पन्तले खानेपानीका प्लम्बरसंग माफि मागे

एकैपटक हुने काममा दोहोरो खर्च गर्दै प्रदेश सरकार

कोरोनाबाट मान्छे असुरक्षित मान्छेबाट वन्यजन्तु !

कोरोनाको नाममा करोडौं खर्च, उपलब्धि न्यून

कर्णाली सरकारको लापरवाहीले कोरोना गाउँ पुग्यो, नाकामा परीक्षण भएन

कर्णालीमा क्वारेन्टाइन भएका खाली, नयाँ बनाइँदै

मन्त्रीका मान्छे ओसारिए, कोही नहुनेहरु बाटोमै रोकिए

सुर्खेत प्रहरीको लकडाउन ‘किसानमाथी’

कसको आदेशमा रोकिन्छन एम्बुलेन्स ?

खाना खुवाएर सुताउने, परीक्षण नगरी घर पठाउन

समाचार आएको २ घण्टामै प्रजिअले निर्णय सच्याए

खर्च होला त प्रदेश सरकारको १९ अर्ब बजेट ?

नेपाल कम्युनिष्ट पार्टी (नेकपा) का कर्णाली सहसंयोजक तथा प्रदेस सभा सदस्य यामलाल कंडेलले बन्दाबन्दीका बेला निश्चित मानिसहरूले कमाउने भाडो बनाएको बताएका छन् । प्रदेशसभा सदस्य कंडेलले सरकारसँग जोडिएका नजिकका मानिसहरूले अहिले उपकारका नाममा कमाउने धन्दा गरेको आरोप लगाएका हुन । एउटा किसान खेतबारीमा जान नपाएर घण्टौ चोकमा बस्नुपर्ने अवस्था भएको तर राहतको नाममा केही व्यवसायीहरूले कमाउ धन्दा चलाएको उनको भनाई थियो । बिपत्तिको बेला सामाजिक विसंगति, बिकृती बढ्दै गएको र यसको नियन्त्रणमा लाग्न प्रदेश सरकारलाई उनले सुझाव दिए ।

सिमित साधनका बाजजुदका पनि केही कामहरू भएको तर त्यसलाई व्यवस्थित गर्न नसक्दा पछिल्ला दिनहरू भयावह हुने उनको भनाई थियो । उनले जथाभावी बजेट बाँडने काम गलत भएको बताए । ‘कति दिन हो कोरोना आतंक हुने, फिक्स छैन,’ उनले भने, ‘ढुकुटी सकिँदै गयो भने हामी कहाँ जाने ? तपाईले बाँडेका पैसा खर्च गर्न नसकिने भनेकै बेलामा पैसा गयो त । दामासाहीको रुपमा हामीलाई पैसा आउँछ । जथाभावी पैसा बाँडदै गएको खण्डमा समस्या हुन्छ । ख्याल गर्नुहोस ।’ नेता कंडेलले सामाजिक दुरी कायम गरेर भएपनि काम गर्नुपर्ने बताए । ‘बन्दाबन्दीबाट निश्चित व्यक्तिले फाइदा लिएका छन् । निर्माण सामाग्री प्रयोग भइरहेका छैनन, मूल्य बढेको बढ्यै छ । यसमा सरकारले समन्वय गर्न आवश्यक छ । क्वारेन्टाइनमा लट अनुसार राखौं,’ उनले थपे ।


नेपाली कांग्रेसका संसदीय दलका नेता जीवनबहादुर शाहीले उद्दारका नाममा राज्यको सम्पति सकेर आफुले आफ्नै नीजि सम्पत्ती खर्च गरेर उद्दार गरे जस्तो प्रचार कर्णाली मुख्यमन्त्री र मन्त्रीले गरेको बताएका छन् । कर्णाली प्रदेशसभाको अधिवेशनमा बोल्दै नेता शाहीले सम्पत्ती राज्यको सकेर श्रीमती र आफ्नो खाता पैसा दिएर उद्दार गरेको जस्तो गरेको बताउँदै शाहीले प्रश्न गरे ।

‘तपाई आफ्नो श्रीमति खाता पैसा, तपाई खाताको पैसा दिएर उद्दार गर्नुभएको भएको हो ?’ उनले भने,‘त्यो तपाई मन्त्री स्वागत गर्न सकिन्छ । तर, राज्यको सम्पती सकेर आफुले गरेको सान लिने ?’ प्रदेश सरकारले कोरोना नियन्त्रणभन्दा हेलिकप्टर मोहमा लागेको नेता शाहीले आरोप लगाए । ‘सरकारले बाढी आयो जस्तो, भूकम्प आयो जस्तो गर्न थाल्यो ।’ उनले भने,‘हेलिकप्टर लिएर ठाउँ ठाउँमा भाषण ग¥र्यो । हुम्लामा अविर जात्रा भयो ।’ उनले भने, ‘जुम्लामा भित्र भाषण गरियो बाहिर आएर किन सेल्फी हानियो । यसरी कोरोना नियन्त्रण हुन्छ ? सरकार’

अहिले सरकारले राम्रोका काम गर्न नसक्दा गलत दृष्टिकोण निर्माण गर्ने काम हुदैँ गएको शाहीको भनाई छ । कर्णाली प्रदेश सरकारले कसैको कुरा नसुनेको आफुले सबै जानेको जस्तो विज्ञता हासिल गरेको नेता शाहीले बताए । ‘हाम्रो सरकार यस्तो विज्ञता हाँसिल गरेको छ । यसले कसैको कुरा सुन्दैन् ।’ उनले भने, ‘दैनिक मिटिङ्ग भइरहेको छ । स्थानीय तहमा दिएको कोरोना नियन्त्रण रोकथामको रकम कता गयो त्यसको खोजी गर्न जरुरी छ ।’

प्रदेश सभा सदस्य शोसिला शाहीले सरकारले सामाजिक दुरी कायम गरेर भएपनि विकासका कामहरु गर्नु पर्ने बताइन । सरकारले राम्रो काम गरेको खण्डमा समर्थन गर्ने र नराम्रो काम गरेको खण्डमा आफूले विरोध गर्ने उनको भनाइ छ ।


Leave a Reply

Your email address will not be published. Required fields are marked *


ताजा समाचार