सुर्खेत, २५ बैशाख ।
सुर्खेतको खुल्लामञ्चमा चारसय बेड क्षमताको क्वारेन्टाइन छ । निर्माण भएदेखि हालसम्म एकपटक पनि यो क्वारेन्टाइन भरिएको छैन । हिजोआज त क्वारेन्टाइन खानी नै छ । तर प्रदेश सरकारले हर्रे वा बबईमा थप एकसय बेडको क्वारेन्टाइन बनाउने निर्णय गरेको छ । तर त्यो क्वारेन्टाइन किन बनाउन लागिएको हो यसको जवाफ प्रदेश सरकारसँग छैन ।
अहिले कर्णालीका गाउँगाउँमा चार हजार सातसय ५४ बेड क्षमताका क्वारेन्टाइन छन् । तर ति क्वारेन्टाइन पनि खाली जस्तै छन् । ति क्वारेन्टाइन निर्माण गर्न स्थानीय तहले लाखौं रकम खर्चिएका छन् । क्वारेन्टाइन निर्माणका लागि प्रदेश सरकारले स्थानीय तहलाई १३ करोड १० लाख रुपैयाँ दिएको छ । तर स्थानीय तहले भने क्वारेन्टाइनलाई मापदण्ड अनुसार प्रयोगमा ल्याउन सकेका छैनन् । गाउँमा अधिकांश क्वारेन्टाइन खाली रहँदा पनि प्रदेश सरकारले भने थप नयाँ क्वारेन्टाइन बनाउने प्रक्रिया अगाडि बढाएको छ ।
याे पनि पढ्नुहाेस :
युग संवाददाता । । २५ बैशाख २०७७, बिहीबार १३:०८