चलचित्र प्राविधिकलाई कलाकारको सहयोग
निषेधाज्ञाका दैनिक गुजारामा समस्या देखिएका चलचित्र प्राविधिकका लागि बरिष्ठ कलाकार तथा नायक गणेश उप्रेतीले आर्थिक सहयोग गरेका छन् ।
उप्रेतीले चलचित्र प्राविधिक संघका अध्यक्ष पुस्कर लामामार्फत ५० हजार सहयोग दिएका हुन् ।
पछिल्लो समय अमेरिकामा रहेका कलाकार उप्रेतीले उतैबाट उक्त सहयोग गरेका हुन् । जसको जानकारी प्रविधिक संघका अध्यक्ष लामाले सामाजिक संजाल मार्फत गराएका छन् ।
त्यस्तै कलाकार निर्मल शर्माले पनि समस्यामा परेका चलचित्र प्राविधिकका लागि भन्दै २५ हजार रुपैयाँ नगद सहयोग गरेका छन् ।
उनले आफू जोडिएको लक्ष्मी प्रतिष्ठासँग सहयोग जुटाएर नेपाल चलचित्र प्राविधिकलाई दिएको सामाजिक संजाल मार्फत सार्वजनिक गरेका छन् ।
अध्यक्ष लामाले अभिनेता जीवन लुइटेल, राजबल्लभ कोईराला, निरज बराल, मुकेश आचार्य लगायत थुप्रै कलाकारले विदेशबाट सहयोग गरेको समेत सामाजिक संजालमा उल्लेख गरेका छन् ।
