कर्णालीमा कोरोनाका कारण एक बृद्धाको मृत्यु
सुर्खेत, २२ पुस ।
कर्णालीमा कोभिड १९ (कोरोना भाइरस) का कारण थप एक जनाको मृत्यु भएको छ । बुधबार गुर्भाकोट नगरपालिका ८, की ७४ वर्षीया बृद्धाको मृत्यु भएको हो ।
पुस १२ गते ज्वरो आउने बिरामी भएपछि उनलाई कर्णाली प्रदेश अस्पताल कालागाँउमा पुर्याइएको थियो । सोही दिन कोरोना भाइरस परीक्षण गर्दा उनीमा कोरोना भाइरस संक्रमण भएको पुष्टि भएको थियो ।
त्यसयता अस्पतालको आइसोलेसनमा राखी उपचार भइरहेको थियो । उपचारकै क्रममा उनको बुधबार दिउँसो मृत्यु भएको स्वास्थ्य सेवा महाशाखाका शिक्षा स्वास्थ्य अधिकृत नवराज कँडेलले जानकारी दिए । कर्णालीमा योसँगै कोरोना संक्रमणबाट मृतक हुनेको संख्या २८ पुगेको छ ।
