सरकारले रुख काट्ने अनुमति नदिदा आयोजनाको काममा ढिलाइ
सुर्खत : कोहलपुर–सुर्खेत १३२ केभीए विद्युत लाइन विस्तार गर्न आयोजना क्षेत्रका १३ हजार ५६ वटा रूख काट् नुपर्छ । आयोजना प्रमुख रविकुमार चौधरीका अनुसार सुर्खेतमा ६ हजार आठसय २०, बर्दियामा तीन हजार तीनसय २० र बाँकेमा दुई हजार नौसय १६ वटा रूख काट्नुपर्छ ।
तर आयोजनाले १४ महिना वित्दा पनि रुख काट्ने अनुमति पाएको छैन । जसले गर्दा काममा ढिलाइ भएको हो । आयोजना क्षेत्रभित्र पर्ने रूख काट् नका लागि अनुमति मागेको ६ महिना पुगिसकेको छ । तर वन तथा वातावरण मन्त्रालयले रुख कटानको अनुमति दिएको छैन । रुख कटानको अनुमति नपाएपछि आयोजनाले गति लिन नसकेको हो ।
‘अन्य कामहरु सकिएको छ, ६ महिनादेखि रुख काट्ने अनुमति पाएका छैनौँ’ आयोजना प्रमुख चौधरीले भने, ‘रुख काट्न नपाउँदा जहाँ–जहाँ जंगल छैन, त्यही–त्यही ठाउँमा मात्रै काम गर्नु परेको छ ।’
आयोजनाले खाली रहेका १३ वटा स्थानमा मात्रै फाउन्डेसन निर्माण गरेको छ । थप तीन स्थानमा फाउन्डेसन निर्माण भइरहेको छ । आयोजना विस्तार गर्दा कुल एकसय ६१ वटा पोलहरु राख्नुपर्दछ । ति पोलहरु राख्न फाउन्डेसन निर्माण गर्नुपर्दछ । आयोजनाले अझै एकसय ४५ वटा फाउन्डेसन निर्माण गर्न बाँकी छ ।
तर रुख जति छिटो निर्णय ग¥यो, उत्ति चाँडो आयोजना अगाडि बढ्ने उनको तर्क छ । मन्त्रिपरिषद्ले निर्णय गरेपनि रुख कटानको अनुमति पाउन थप झन्झटिलो हुन्छ । बन मन्त्रालयहुँदै, राष्ट्रिय निकुञ्जबाट अनुमति पाएपछि मात्रै आयोजनाले रुख काट्न पाइदैन
