पुराना निर्देशक उमेशनाथ अर्यालको निधन
काठमाडौं । नेपाली कला क्षेत्रका पुराना निर्देशक उमेशनाथ अर्यालको निधन भएको छ । अर्यालको हृदयघातको कारण कारण बुधबार बिहान निधन भएको हो ।
अर्यालको निधनको जानकारी अभिनेता सरोज खनालले सामाजिक संजाल मार्फत गराएका छन् । सरोजले लेखेका छन् ‘मेरा आदरणीय गुरु उमेशनाथ अर्याल जसले ‘भिडदेखि भिडसम्म’, ‘बन्धकमा परेको जीवन’, ‘आकाश पनि चुप छ’, ‘पिजडा’लगायत अन्य थुप्रै कालजयी टेलिफिल्महरुको लेखन एवं निर्देशन गर्नु भएको थियो ।
केही दिन अघि परेको गुरु पूर्णिमाको दिन म आशीर्वाद लिन उहाँको निवास गएको थिए । आज बिहान हृदयघातका कारण उहाँको स्वर्गारोहण भएकाले आफ्नो अभिभावक गुमाउनु परेको पिडाबोध भइरहेको छ ।’
अर्यालको निधन प्रति नेपाली कलाक्षेत्रका बिभिन्न ब्यक्तिहरुले सामाजिक संजाल मार्फत शोक ब्यक्त गरिरहेका छन् ।
