नेकपा एमाले जुम्लाको अध्यक्षमा शान्तिलाल महतको प्यानल विजयी भएको छ । अध्यक्षका प्रतिस्पर्धि धिरेन्द्रराज गिरीलाई ५९ मतले पछि पार्दै महत अध्यक्षमा निर्वाचित भएका हुन् ।

निर्वाचित अध्यक्ष महतले १ सय ९४ मत प्राप्त गर्दा पराजित अध्यक्ष पदका उम्मेदवार गिरीले १ सय ३५ मत प्राप्त गरे । यस्तै उपाध्यक्षमा १ सय ८७ मत प्राप्त गर्दै प्रेम बहादुर बुढा निर्वाचित भएको छन् । भने उनका निकटतम प्रतिद्धोन्दी पदम बुढाले १ सय ३८ मत प्राप्त गरेका छन्।

सचिवमा मान बहादुर रोकायाले १ सय ७९ मत ल्याएर विजयी भएका हुन्। भने उनका प्रतिस्पर्धि आदि प्रसाद न्यौपानेले १ सउ ४१ मत प्राप्त गर्दै पराजित भए।उपसचिवमा धन बहादुर बुढाले १ सय ७९ मत प्राप्त गरि विजयी भएका छन्। भने उनका प्रतिस्पर्धि धर्मेन्द्र रोकायाले १ सय ४१ मत प्राप्त गर्दै पराजित भए।यसैगरी, समावेशि उपसचिवमा मेनका रेग्मीले १ सय ७४ मत प्राप्त गरि विजयी भइन्।

उनकी निकटतम प्रतिद्धोन्दी शुसिला भट्टराईले १ सय ८ मत प्राप्त गर्दै पराजित भइन्।जुम्लाका आठ वटा स्थानीय तहबाट ३ सय ४३ जना प्रतिनिधि आएका थिए ।

ति मध्ये ३ सय ३८ जनाले मतदान प्रक्रियामा भाग लिएका थिए। नवौ जिल्ला अधिवेशनले ९० सदस्यीय जिल्ला कमिटि चयन गर्नेछ । जिल्ला कमिटिका सदस्यको मतगणना हुन बाँकि रहेको मुख्य निर्वाचन अधिकृत मीनवहादुर महतले बताए।