बर्दिया । बर्दियामा बाघको आक्रमणबाट एक जना गम्भीर घाइते भएका छन् । गेरुवा गाउँपालिका–१ जनकनगरका ३५ वर्षीय चुलाराम थारु बाघको आक्रमणबाट गम्भीर घाइते भएका हुन् ।

थारुलाई सोमबार बिहान घरदेखि करिब तीन सय मिटर टाढा खेतमा पानी लगाउन गएको समयमा बाघले आक्रमण गरी घाइते बनाएको प्रहरीले जनाएको छ ।

बाघले आक्रमण गरेको खबर पाउनासाथ इलाका प्रहरी कार्यालय पाताभारबाट प्रहरी निरीक्षक नवराज केसीको कमाण्डमा गएको पाँच जनाको टोलीले थारुको उद्धार गरी नेपालगंज पठाइएको प्रहरीले जनाएको छ । थारुको टाउको, गर्दन र ढाडमा गम्भीर चोट लागेको प्रहरीले जनाएको छ ।