प्रचण्ड खत्री 

रुकुमपश्चिम । रुकुमपश्चिमका धेरैजसो स्थानिय तहका गाँउ-गाँउमा नेपाल विधुत प्राधिकरणको केन्द्रीय लाईन विस्तार भैसकेको छ । बाफिकोट गाउपालिकाको दुर्गम गाँउ मानिने वडा नम्बर ३ को सस्सुकाडामा १ महिना अगाडी मात्र केन्दीय प्रसारण लाईन पुगी बत्ति बलेको स्थानीय हर्कु ओलीले बताए ।

रुकुमपश्चिमका ६ वटा स्थानीय तह रहेका छन । ६ वटै स्थानीय तहका दुर्गम गाउमा लाईन पुगी सकेको बताइएकाे छ । आठबिसकोट नगरपालिकाको वडा १ खदिगाउमा तिहारमा बत्ति पुगी स्थानीयले उपभोग गरेको नगरप्रमुख गोर्खबहादुर केसीले जानकारि दिए । सदरमुकाम खलङ्गा देखि ५ कोष टाढा पर्ने बर्त्ति पुगेपछि त्यहाका स्थानीय अध्यारो मुक्त भएको र स्थानीय सरकार आएको आठबिसकोट नगरपालिका ३ स्थानीय हिमबहादुर बोहराको भनाई छ ।

रुकुमपश्चिमका धेरै जसो दुर्गम गाउमा लाईन विस्तार गरिसकेको र आगामी दिनमा काठका पोत विस्थापित गरि फलामका पोल स्थापित गराईने नेपालविधुत प्राधिकरण  रुकुमपश्चिमले बताएको छ । निषेधाज्ञाको बेला विधुतको काम धमाधम भैरहेको प्राधिकरणका कार्यालय प्रमुख त्रिलोचन भटराईले बताए ।

बाफिकोट, त्रिवेणी र सानीभेरी  गाउपालिकामा १०/१० वडा रहेका छन ।  आठबिसकोट, चौरजहारी र मुसिकोट नगरपालिकामा १४/१४ वटा वडा रहेका छन । यी सबै गाउँपालिका र नगरपालिकामा केन्दीय लाईन पुगी सकेको स्थानीय तहका प्रमुख तथा अध्यक्षहरुकाे भनाइ रहेकाे छ ।

बाफिकोट गाउँपालिका वडा नम्बर ३ मा स्यार्पुदहमा रहेको २ सय किलोवाटको जलविधुत रहेको छ । यसलाई स्यार्पुदह साना जलविधुत केन्द्रको नामले परिचित छ । यस केन्द्रले बाफिकोट गाउपालिका सबै वडा र मुसिकोट नगरपालिका केहि वडामा विधुत धानेको बताईन्छ । यस केन्द्र विधुत प्राधिकरणको स्वामित्वमा रहेको छ ।