कोरोना अपडेट – एकैदिन ७ हजार ९८९ जनाले जिते कोरोना
काठमाडौं । गत २४ घण्टामा देशभर ७ हजार ९८९ जना कोरोना भाइरसको संक्रमणबाट मुक्त (निको) भएका छन्।
देशभरका संस्थागत तथा होम आइसोलेसनमा रहेका ७ हजार ९८९ जना संक्रमितहरु संक्रमण मुक्त भएका स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए।
मन्त्रालयका अनुसार पछिल्लो २४ घण्टामा थप ८ हजार १७३ जना संक्रमित थपिएका छन्।
देशभरका विभिन्न ठाउँमा गरिएको एन्टिजेन र पीसीआर परीक्षणका क्रममा थप ८ हजार १७३ जनामा संक्रमण पुष्टि भएको हो। पीसीआर परीक्षणबाट ८ हजार ६४ र एन्टिजेन परीक्षणबाट १०९ जनामा संक्रमण पुष्टि भएको हो।
