काठमाडौँ  । महान्यायाधिवक्ता अग्नि खरेलले विशेष पत्रकार सम्मेलन बोलाएका छन् । शुक्रबार दिउँसो एक बजे कार्यालयमै उनले पत्रकार सम्मेलनको आयोजना गरेका हुन् ।

पत्रकार सम्मेलनको विषयबारे जानकारी दिइएको छैन । श्रोतका अनुसार पत्रकार सम्मेलनमा महान्यायाधिवक्ता खरेलले राजीनामाको घोषणा गर्दैछन् ।

तर देशसञ्चारको जिज्ञासामा खरेलले आफूले राजीनामा दिइनसकेको बताए । महान्यायाधिवक्ताको कार्यालयका प्रवक्ता संजीवराज रेग्मीले पनि खरेलको राजीनामाबारे जानकारी नरहेको बताए ।

‘विशेष रुपमा पत्रकार सम्मेलनको आयोजना गर्न भनिएको छ, पत्रकार सम्मेलनमै सबै कुरा थाहा होला’, उनले भने ।

प्रतिनिधिसभा विघटन सम्बन्धी मुद्दामा कमजोर बहस गरेको भन्दै सरकार पक्ष महान्यायाधिवक्ता खरेलसँग असन्तुष्ट थियो ।

खरेलले संसद पुनर्स्थापना भए राजीनामा दिने अग्रिम घोषणा गरेको चर्चा चलेको थियो  ।