सरकारी स्कुटी तरुनीलाई उपहार

बिल भेटियो, स्कुटी भेटिएन

सुर्खेत, १६ असार ।
भेरीगंगा नगरपालिकाको नाममा खरिद गरिएको स्कुटी तरुनीलाई उपहार दिएको भेटिएको छ । वीरेन्द्रनगर–१२ नेवारे निवासी भेरीगंगा नगरपालिकाका लेखा अधिकृत मान बहादुर ठाडाले नगरपालिकाको नाममा खरिद गरिएको स्कुटी तरुनीलाई चलाउन दिएको रहस्य खुलासा भएको हो ।

आर्थिक २०७५/०७६ मा भेरीगंगा नगरपालिकाको बार्षिक बजेट तथा कार्यक्रमबाट जनप्रतिनीधि र कर्मचारीहरुका लागि खरिद गरिएको स्कुटी लामो समयसम्म निजी नम्बर प्लेट राखी प्रयोग गरिएको पाइएको छ । सन् २०१८ मा उत्पादन भएको सिल्भर कलरको पिजिओ स्कुटी निजी नम्बर प्लेट राखी लामो समयदेखि एक युवतीले व्यक्तिगत रुपमा प्रयोग गरेको भेटिएको थियो ।

२०७५/७/३० मा भैरहवा भन्सार कार्यालयमा दर्ता भएको लु ४६ प ९०३१ नम्बरको स्कुटी एक बर्षपछि २०७६ भदौं ५ गते कर्णाली प्रदेश ०२००१ प २२४० नम्बरमा प्राइभेट दर्ता गरी प्रयोग गरिँदै आएको थियो । प्राइभेट रुपमा दर्ता गरिएकाे स्कुटी लेखा अधिकृत ठाडाले छिन्चुकै एक तरुनीलाइ व्यक्तिगत रुपमा प्रयाेग गर्न दिएका थिए । नगरपालिकाको आन्तरिक लेखापरिक्षण र बाह्रय लेखा परिक्षणमा स्कुटीका बिषयमा पटक/पटक कुरा उठ्दै आएको थियो । स्कुटिका विषयमा दुई बर्षदेखि लेखामा कुरा उठेपनि उनले हिसाव मिलाएरै लेखापरिक्षणमा आउने कर्मचारीहरुलाई खुशी बनाएर पठाउने गरेका थिए ।

स्कुटी अफिसमा नआउँदै बिल पेस भएर भुक्तानी दिई स्टोरमा दाखिला गर्न लेखा अधिकृत ठाडाले दवाव दिएपछि गान्नगुन्न कुरा बाहिर आएको थियो । कुरा उठेपनि सप्रमाण नभेटिएपछि सबै चुपचाप लागेका थिए । नगरपालिकाको नाममा खरिद गरिएको स्कुटी दुई बर्षदेखि रातो प्लेटमा सेतो अक्षरले लेखिएको निजी सवारी साधान सरह प्रयोग गरिँदै आएको छ ।

नगरपालिकाको नाममा खरिद गरिएको सरकारी सम्पत्ती स्टोर दाखिलासमेत नगरी तरुनीलाई चलाउन दिएपछि लेखा अधिकृत ठाडाको व्यक्तिगत आचारण र चरित्रमाथी गम्भिर प्रश्न चिन्ह खडा भएको छ । तरुनी र कारका शौखिन लेखा अधिकृत ठाडाले भेरीगंगा नगरपालिकामा सरुवा भएर गएपछि दुई पटक महंगा कारसमेत परिवर्तन गरेका छन् । सुजुकी कम्पनीको बोलेनो कार प्रयोग गर्दै आएका लेखा अधिकृत ठाडाले छ महिनायता अहिले हुण्डाई कम्पनीको ४० लाखबढीको कार प्रयोग गर्दै आएका छन् । बा २१ च १७३१ नम्बरको निजी कार प्रयोग गर्दै आएका छन् । नगरपालिकाबाट कारको मर्मतदेखि तेल सुविधा उपयोग गर्दै आएका छन् ।


लेखाको बिल, भरपाई, कागजात मिलाउन सिपालु लेखा अधिकृत ठाडाको भेरीगंगा गएदेखि दर्जनौं काण्डै काण्ड छन् । वीरेन्द्रनगर–१२ मा आलिसान महल खडा गरेका लेखा अधिकृत ठाडाको आम्दानीको स्रोतमाथी आशंका उत्पन्न भएको छ । स्रोतले दिएको जानकारी अनुसार लेखा अधिकृत भएर भेरीगंगा नगरपालिकामा पुगेपछि गैरकानूनि रुपमा अवैध तरिकाले अकुत सम्पत्ति आर्जन गरी कारदेखि तरुनीसम्म व्यवस्थामा खर्च गरेको दावी छ ।

नगरपालिकाले खरिद गरेका र प्रयोग गरिरहेका सवारी साधानहरुको विवरण माग गर्दै निवेदन नगरपालिकामा पेश भएपछि कर्मचारीहरुमा हल्लाखल्ला भएको थियो । नगरपालिकाका प्रमुख प्रशासकीय अधिकृत नोखराम ओलीले स्कुटीका विषयमा लेखा अधिकृतलाई सोध्दा उनले आफ्नो घरमा रहेको भन्दै टार्दै आएका थिए । तीन दिन यता एकाएक उक्त स्कुटी नं. ००१ ब ०१६३ नम्बर सरकारी नम्बर प्लेट लेखी एक स्थानमा बेवारिसे अवस्थामा लेखा अधिकृतले लुकाएर राखेको भेटिएको छ । लेखा अधिकृत ठाडाले भने ‘नगरपालिकामा विभिन्न स्कुटी र मोटरसाइकल गरी १६ वटा खरिद गरिएको हो । मेरो नाममा स्कुटी बुझेर मैले घरायसी रुपमा प्रयोग गर्दै आएको थिए । अहिले अफिसमै बुझाइदिएको छु ।’

खरिद गरिएका सवारी साधन र प्रयोग गर्ने जनप्रतिनीधि तथा कर्मचारीहरुको विवरण स्पष्टसंग राखिएको उनले जानकारी दिए । लेखा अधिकृत ठाडाले भने ‘मैले नै प्रयोग गरेको हुँ । स्टोरबाट मैले बुझेर लिएको हुँ, तर किनेदेखि मैले नै प्रयोग गरिरहेको छु । तपाइले मागेको सूचना अनुसार रिपोर्ट दिएको छु । रातो नम्बर प्लेटमा ३/४ वटा चलिरहेका छन् । सरकारी नम्बर प्लेट राख्ने प्रक्रियामा लागिएको छ ।’

जनप्रतिनिधकाे बेथिति याे पनि पढ्नुहाेस :-

भेरीगंगामा जनप्रतिनिधिको ‘कमिसन’ खेल


2 thoughts on “सरकारी स्कुटी तरुनीलाई उपहार

  1. युग आहावान पत्रिकालाई मेरो विनम्र आग्रह bherigannga नगरपालिकाका 12 ka मेयर उपमेयरउपमेयर सयोगि अमिन को लगायतका अकुत सम्पत्ति कमाएर लाखौंलाख bhawan सफल भएका छन् जग्गा जमिन जोड्न सफल भएका छन् यसको छानबिन किन हुँदैन यो पत्रिकामा किन आउने

Leave a Reply

Your email address will not be published. Required fields are marked *


ताजा समाचार