आफैँले काट्दै गरेको रुपमा रुखमा च्यापिएर हुम्ला सिमकोट गाउँपालिका– १ को दोजाम गाउँका कुन्जोक लामा गम्भीर घाइते भएका छन् ।

दाउराका लागि रुख काट्ने क्रममा खार्पुनाथ गाउँपालिका– ५ को याङ्चुमा सो घटना भएको हो । दोजामबाट दाउराका लागि किनिएको रुख काट्ने क्रममा ढलेको रुखमा च्यापिएर २२ वर्षीय लामा गम्भीर घाईते भएको सिमकोट गाउँपालिका–१ का वडा अध्यक्ष गोर्खबहादुर लामाले बताए ।

घाईते लामालाई याङ्चुबाट स्टेचरमा खार्पुसम्म ल्याईएको थियो भने त्यताबाट जिल्ला अस्पतालको एम्बुलेन्समा अस्पताल ल्याई उपचार भइरहेको छ ।

लामाको उपचारमा संलग्न चिकित्सकका अनुसार लामाको खुट्टा र हात फ्याक्चर भएको छ । हात खुट्टा फ्याक्चर भएको कारण जिल्ला उपचार गर्न नसकिने भएको कारण घाइते लामालाई जिल्ला बाहिर रिफर गरिएको छ ।

बुधबार फ्लाइट नभएको कारण लामाको उद्धार हुन सकेको छैन । लामालाई अस्पतालमै राखिएको छ ।