सुर्खेत २८ साउन।

कर्णाली प्रदेश सरकारले विपद् प्रभावित नागरिकका निजी आवस पुनर्निर्माण गर्न सात करोड बजेट निकासा गरेको छ । मौसम र आगलागी जन्य विपद्बाट प्रभावित नागरिकका निजी आवास पुनर्निर्माण, प्रवलीकरण र पुनसर््थापनाका लागि प्रदेश सरकारले व्यहोर्नुपर्ने लागत सहभागिता वापतको सात करोड ९२ लाख ४० हजार रुपैयाँ सम्बन्धित जिल्लाका जिल्ला प्रशासन कार्यालयमा निकासा भएको हो ।

कर्णाली प्रदेश सरकारका मुख्यमन्त्री यामलाल कँडेलले गत असारमा जुम्ला, जाजरकोट, कालिकोट, रूकुम पश्चिम र सल्यान जिल्लाका आठ सय ८२ घरपरिवार लाभान्वित हुनेगरी रकम निकासा गरिएको बताए । उनका अनुसार सम्बन्धित जिल्ला प्रशासन कार्यालयले अधिकांश लाभग्राहीलाई रकम उपलब्ध गराएका छन् । कार्यविधि बनेको चार वर्षपछि मात्र प्रदेशबाट पहिलो पटक कार्यान्वयनमा आएको यो सुविधा अन्तर्गत मापदण्डभित्र परेका तर, छुटेका लाभग्राहीले सम्बन्धित जिल्ला प्रशासन कार्यालयमा सम्पर्क गर्न मुख्यमन्त्री कँडेलको आग्रह छ ।
मुख्यमन्त्री कँडेलका अनुसार जुम्लामा दुई करोड ३२ लाख ८५ हजार, कालिकोटमा दुई करोड ७१ लख ५० हजार, जाजरकोटमा ६ लाख ९५ हजार, रुकुम पश्चिममा दुई करोड ४५ लाख दश हजार र सल्यानमा ३६ लाख रुपैयाँ विपद् प्रभावित नागरिकका आवास निर्माण गर्न पठाइएको छ ।