देशभर थपिए १९ जना कोरोना संक्रमित, अझै १०६ सक्रिय संक्रमित
काठमाडौं २९ जेठ ।
पछिल्लो २४ घन्टामा देशभर थप १९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आइतबार १९ जनामा संक्रमण पुष्टि भएको हो । ३ हजार ४५३ जनाको कोरोना परीक्षण गर्दा उक्त संख्यामा संक्रमित थपिएका हुन् ।
दुई हजार १६२ जनाको पिसिआर र एक २९१ जनाको एन्टिजेन परीक्षण गरिएको थियो। अहिले देशभर १०६ जना सक्रिय संक्रमित छन् ।
१२ जना संक्रमित निको समेत भएका छन्। कोरोना संक्रमणबाट पछिल्लो २४ घण्टामा मृत्यु हुनेको संख्या शून्य छ ।
स्रोत ः सेतोपाटी
