“समृद्धिका लागी सिभिल बैंक” भन्ने नाराका साथ अगाडी बढी रहेको सिभिल बैंकले विगतका वर्षहरु भन्दा ब्यवसायको आयतनमा विशेष वृद्धि गरी एउटा नमुना बैंकको रुपमा आफुलाई प्रस्तुत गरिरहेको छ । निरन्तर रुपमा मौलिक बैंकिङ सेवाहरु पस्कँदै आइरहेको छ । भर्खरै मात्र बैंकले बजारमा ल्याएको निक्षेप योजनाहरु खुत्रुके खाता र सुपर प्रिमियम बचत खाता के हो ? यसका फाइदाहरु के छन् ? यसै विषयमा केन्द्रित रेहर सिभिल बैंकको कर्णाली प्रदेश कार्यालयका प्रमुख अभिजित श्रेष्ठसँग कुराकानी गरिएको छ । प्रस्तुत छ, उक्त कुराकानी सम्पादित अंश  :

यो सुपर प्रिमियम बचत खाता भनेको के हो ?

न्युनतम मौज्दात रू २५,००० रहेको सिभिल बैंक सुपर प्रिमियम बचत खातामा बैंकले ६.०१ प्रतिशतको सर्वाधिक बार्षिक ब्याजदर उपलब्ध गराउँछ । त्यसका अलावा मेटलाइफ बीमा कम्पनीसँगको सहकार्यमा खातावालालाई ६ वटा प्रमुख घातक रोगहरु (मेजर क्यान्सर, मेजर स्ट्रोक,

पहिला हृदयघाट, पल्मनरी हाइपरटेन्सन, हार्ट भल्भ सर्जरी तथा कोरोनरी आर्टेरी डिजिज) का लागि रू दुई लाखसम्मको निःशुल्क औषोधी उपचारको सुविधा प्रदान गर्नेछ । साथै मोवाइल बैंकिङ्ग सुविधा, इन्टरनेट बैंकिङ्ग सुविधा, एटीएम कार्ड, एसएमएस बैंकिङ्ग सुविधा पनि निःशुल्क रुपमै प्रदान गरिनेछ । र यो बचत खाता १८ वर्ष देखि ५८ वर्ष ननाघेका जो कोहीले पनि सजिलै खोल्न सक्नेछन् ।

अनि यो खुत्रुके खाता भनेको नी ?

अन्य बैंकहरुले प्रदान गरिरहेको रिकरिंग डिपोजिटहरुमा शर्तहरु तथा बन्देजहरु हुने गर्छन् । योभन्दा पृथक रहेर सिभिल बैंकले आफ्नो रिकरिंग डिपोजिट–खुत्रुके खातालाई शर्त तथा बन्देजमुक्त बनाईएको छ । जसमा बचत गर्न चाहने ग्राहकले दुई बर्षदेखि दश बर्षसम्मको खुत्रुके खाता रेकरिंग डिपोजिट खोल्छन् ।

अनि मासिक न्युनतम रु पाँच सयदेखि माथि गर्दै जान्छन्, कुनै महिनामा कुनै कारणबस जम्मा गर्न असमर्थ भएमा पनि कुनै किसिमको पेनाल्टी तिर्नुपर्ने हुँदैन । अनि आफुले निर्धारण गरेको समय सिमापश्चात साँवा तथा ब्याजको एक मुष्ठ भुक्तानी पाउँछन् । अझ यस खातामा सुपर प्रिमियम बचत खातामा भन्दा एक प्रतिशत थप ब्याज पाइन्छ । केहीगरी अवधिको बिचमा आकस्मिक कारणले रकम आवष्यक भएमा संचित रकम को ७० प्रतिशत ऋणमा नै बिना झन्झट रकम निकाल्न सकिन्छ ।

कोरोनाको बेलामा खाता खोल्न बैंकमा आउने त ?

बैंकमा पुग्नै पर्दैन । वैकल्पिक सुविधा छ । कोरोना संक्रमणको जोखिम भएकोले घरबाटै अनलाइनमार्फत पनि खाता खोल्न सकिन्छ । र पछी आफुलाई पायक पर्ने शाखामा गई केवल दस्तखत गरी खाता संचालनमा ल्याउन सकिन्छ ।

ऊच्च ब्याजदर दिनुको कारण के हो नी ?

विद्यमान कोरोना संक्रमणबाट सिर्जित कठिन अवस्थामा अन्य वित्तिय संस्थाहरुद्वारा निक्षेपमा प्रदान गरिएको ब्याजदरको तुलनामा ग्राहकको मेहनतका कमाइको कदर गर्दै आकर्षक ब्याज प्रदान गरिएको हो ।

यही कारणले ग्राहकहरु यस बचत खाताबाट लाभान्वित हुनेछन् । साथै हामी सर्वसाधरणको बैंकको रुपमा परिचित हुन तथा ग्राहकहरुलाई बढीभन्दा बढी प्रतिफल प्रदान गरी लोकप्रिय बैंक बन्ने योजनामा छौं ।