कर्णाली प्रदेश सरकारको विपद (भुकम्प) व्यवस्थापन कोषमा एक लाख ६ हजार आठ सय २० रुपैयाँ जम्मा गरेको भौचर बिहीवार कर्णाली प्रदेश सरकारका प्रमुख सचिव चुडामणी पौडेललाई हस्तान्तरण गरिएको बेस संस्थाका कर्णाली प्रदेश प्रतिनिधि देवेन्द्र सेजुवालले जानकारी दिए ।

सो अवसरमा प्रमुख सचिव पौडेलले विपदको समयमा बेस संस्थाले गरेको सहयोग पिडीतलाई राहत उपलब्ध गराउन महत्वपूर्ण सहयोग पुग्ने बताउँदै उपलब्ध गराइएको सहयोगले वास्तविक पिडीतको पिडालाई कम गर्ने विश्वास समेत व्यक्त गरे ।

त्यस्तै बेस संस्थाका प्रतिनिधि सेजुवालले संस्थाले उपलब्ध गराएको सहयोग रकम संस्थामा कार्यरत कर्मचारीहरुले स्वस्फूर्त रुपमा सहयोग गरेको बताउँदै अहिले भुकम्प पिडीतलाई राहत वितरणको काम प्रभावकारी नभएको समाचारहरु आइरहेको हुँदा कर्णाली प्रदेश सरकार गम्भिर भई भुकम्प पिडितको पुनःस्थापना तथा राहत वितरणको कार्यलाई अझ प्रभावकारी बनाउन सोही अनुसार योजनाका साथ क्रियाशील हुनुपर्नेमा जोड दिएका थिए ।