इजरायली सेनाले इस्लामिक जिहादका कमाण्डर आफ्नो सेनाको आक्रमणमा मरेको दाबी गरेको छ। इस्लामिक जिहादको उत्तरी गाजा डिभिजनका जिहादका कमाण्डर मारिएको इजरायली सेनाले दाबी गरेको हो ।

इजरायली सेनाले ट्विटमार्फत भनेको छ– इजरायलविरूद्ध धेरै एन्टी ट्यांक मिसाइल हमलामा संलग्न हुसेम अबू हरबिदको मृत्यु भएको छ।’ रोयटर्सले स्रोतको हवाला दिँदै इस्लामिक जिहादअबू हरमिद मारिएको पुष्टि गरेको छ। ​

गाजाको मिडियाले पनि अबु हर्मेदको मृत्युको खबर दिएको छ । इजरायलले प्यालेस्टाइनमा हवाई हमला गरेको थियो। हमलामा दर्जनौं प्यालेस्टाइनीको मृत्यु भएको थियो ।

इजरायलले गाजापट्टीका कयौं स्थानमा बम बर्साएको थियो। यसअघि पनि इजरायली सेनाले प्यालेस्टाइनी चरमपन्थी संगठन हमासका कम्तीमा ३ जना स्थानीय नेताको मृत्यु भएको दाबी गरेको थियो।