सुर्खेत । दशौ राष्ट्रिय खेलकुदका लागि मूल आयोजक सचिवालय स्थापना गरिएको छ । युवा तथा खेलकुदमन्त्री एवं मूल आयोजक समिति संयोजक तेजुलाल चौधरी, कर्णालीका मुख्यमन्त्री यामलाल कँडेल, सामाजिक विकासमन्त्री घनश्याम भण्डारी सहभागितामा सचिवालय स्थापना भएको हो ।

आगामी जेठ ३ गतेदेखि १० गतेसम्म कर्णालीमा दसौं राष्ट्रिय खेलकुद प्रतियोगिता आयोजना गर्ने उद्देश्यका साथ कर्णाली प्रदेशको राजधानी सुर्खेत वीरेन्द्रनगरको रंगशाला परिसरमा सचिवालयको गरिएको छ ।

पूर्वनिर्धारित समयमा प्राविधिक कारणले हुन नसकेको अब निर्धारित समयमा प्रतियोगिता सञ्चालन हुने मन्त्री चौधरीले बताए । ‘कर्णाली प्रदेशको खेलकुदलाई साहसिलो कदमका रूपमा लगानी गरिएको छ,’ उनले भने,‘रंगशाला लगायतका खेल पूर्वाधार निर्माण गरिएको छ ।’

निर्धारित समयमा प्रतियोगिता सञ्चालन गर्न जिम्मेवार व्यक्तिहरू अलमल हुन नमिल्ने मुख्यमन्त्री कँडेलले बताए । ‘जेठको महिना खेलकुद प्रतियोगिताको लागि मौसम अनुकूल नहुनेमा आशंका उठिरहेको छ,’ उनले भने,‘भन्दै उनले खेलसम्बद्ध व्यक्तिले सकारात्मक धारणा जोगाउनु पर्नेछ ।’