कर्णालीमा हामफालेका चार जनाको शव भेटियो
दैैलेख, २६ फागुन ।
दैलेखमा एकै परिवारका ५ जनाले आत्महत्या गरेका छन् । आठबीस नगरपालिका–३ निमाइलका ३५ वर्षीया सुकी बडुवाल उनका छोरीहरु १५ वर्षीया कल्पना वडुवाल, १२ वर्षीया सरिता बडुवाल, ७ वर्षीया रजनी बडुवाल र छोरा १० वर्षीय ललित बडुवालले कर्णाली नदीमा हामफालेर आत्महत्या गरेका हुन् । आत्महत्या गरेका
मध्येसुक, कल्पना, सरिता र ललितको शब भेटिएको छन् । ७ वर्षे रजनी भने बेपत्ता छन् । घरेलु हिंसा (रक्सी पिएर दैनिक कुटपिट गर्ने) भएका कारण सुकीले तीन छोरी र एक छोरासहित कर्णाली नदीमा हामफालेर आत्महत्या गरेको आशंका गरिएको छ ।आत्महत्या गर्न बाध्य पारेको आरोपमा आरोपमा सुकीका श्रीमान मानबहादुर
बडुवाललाई प्रहरीले नियन्त्रणमा लिएर अनुसन्धान गरिरहेको जिल्ला प्रहरी कार्यालय दैलेखका डीएसपी अनुपम श्रेष्ठले जानकारी दिए । सुकी २३ गते छोराछोरीसहित घरबाट सम्पर्क विहीन भएकी थिइन ।
