सुर्खेत, २३ फागुन ।

प्रदेश– २ का प्रदेश प्रमुख डा. राजेश अहिराजले कर्णाली प्रदेशका प्रमुख गोविन्दप्रसाद कनौलीसँग भेटघाट गरी फर्किने क्रममा बाटोमा सडक दुर्घटनामा परेर घाइते भएका चालकलाई उद्दार गरेर अस्पतालसम्म पु¥याएका छन् । उनले कर्णाली प्रदेशको सुर्खेत जिल्लास्थित भेरीगंगा–४ हर्रेमा सवारी दुर्घटनामा परी घाइते भएका 

चालक ४६ वर्षीय शेरबहादुर सिंहलाई उद्दार गरेर कोहलपुर मेडिकल कलेजसम्म पु¥याएका हुन् । शनिबार दिउँसो करिब २ बजे नेपालगञ्जबाट फलफूल बोकेर आउँदै गरेको कर्णाली प्रदेशको ०२५६ नम्बरको मिनिट्रक र बा ५ ख ४२०७ नम्बरको ट्रक आपसमा ठोक्किँदा मिनिट्रक पल्टिएर सिंह घाइते भएका थिए । कर्णाली प्रदेश भ्रमण

सकेर सुदूरपश्चिम प्रदेशको भ्रमणमा जान लागेका प्रदेश प्रमुख अहिराजले दुर्घटनामा परेर घाइते भएको देखेर सिंहलाई आफ्नै गाडीमा राखेर बाँके जिल्लाको कोहलपुर मेडिक कलेज भर्ना गरेको हुन् । ‘मैले चढ्ने सवारी साधन पनि जनताले तिरेको

करबाट हो । घाइतेको अवस्था हेर्दा अर्को गाडी आउने बेलासम्म ढिला हुने भएकाले आफ्नै गाडीमा राखेर कोहलपुर मेडिक कलेजमा पु¥याएको हुँ,’ उनले भने, ‘यो मानविय धर्म पनि हो । बाटोमा कोही घाइते छटपटाइरहेको देखेपछि मैले आफ्नै गाडीमा राखेर मेडिकलसम्म लगेर उपचारका लागि भर्ना गरेको हुँ ।’