सुर्खेत । नेपाली कांग्रेस भेरीगंगा नगरपालिकाका नगर सभापति वेदु गिरीको उपचारको क्रममा काठमाडौंमा निधन भएको हो ।

काठमाडौंको मेडिसिटी अस्पतालमा उपचार गराइरहेका सभापति गिरीको शनिबार निधन भएको हो । ४८ वर्षीय गिरी भेरीगंगा नगरपालिका १२ छिन्चुका स्थायी बासिन्दा हुन् ।

केही समय पहिला एपेण्डीसाइटको अप्रेशन गरेका गिरीको उक्त घाउबाट क्यान्सर भएको थियो । क्यान्सरको उपचार गर्न अस्पताल भर्ना भएका गिरीलाई कोरोना संक्रमणबाट निधन भएको हो ।

क्यान्सरको उपचार गर्न अस्पताल भर्ना भएका गिरीलाई कोरोना संक्रमणबाट निधन भएको नेपाल तरुण दल सुर्खेतका सभापति हरी विष्टले जानकारी दिए ।  गिरी पञ्चायतकालदेखी नै क्याम्पस पढ्दा विद्यार्थी राजनीतिबाट पार्टी राजनीति शुरु गरेको भेरीगंगा नगरपालिकाका उपप्रमुख रेणु आचार्यले जानकारी दिइन् ।

आचार्यले भनिन् ‘कांग्रेसले एक हस्ती त गुमायो नै, पार्टीले अपूरणिय क्षती व्यहोर्नु परेको छ,’ तरुण दल सभापति विष्ट भन्छन्, ‘हक्की, निडर र जहिले पनि जनको पक्षमा आवाज उठाउने उहाँ जस्तो कुशल राजिनितिज्ञ हामीले सदाका लागि गुमायौं, दुःखीद् छौं ।’

यहीँ असार ६ गते नेपाली कांग्रेसका पूर्व सभापित तप्त विष्टको पनि कोरोना संक्रमण भएपछि उपचारकै क्रममा काठमाडौंको मेडिसिटी अस्पतालमा निधन भएको थियो ।