दुर्गा विसी
सुर्खेत । सुर्खेत सिम्ता गाउँपालिकाका नवनिर्वाचित अध्यक्ष ऐन बहादुर चन्द र गोमा रेग्मीले पदभार ग्रहण गरेका छन् । पदभार ग्रहणसँगै चन्दले आफ्नो सम्पत्ति सार्वजनिक गरेका छन् ।

सम्पत्तिको नाममा साग्रिला बैंकमा ८ हजार ३ सय ६२ र १२५ सिसिको होन्डा साईन बाइक र बुबाको नाममा ४ कोठाको कच्ची घर मात्रै भएको सार्वजनिक गरेका छन् ।

देशकै स्थानीय तहमा निर्वाचित जनप्रतिनिधि मध्ये आर्थिक हिसाबले कमजोर राजनीतिज्ञ चन्दलाई लिन सकिन्छ ।

पदभार ग्रहन्नकै दिन सिम्ता गाउँपालिकामा जनतालाई शुशानका सवालमा अग्रपंक्तिमा रहेर सेवा दिने जनाएको छ । सिम्तामा जनप्रतिनिधिहरुको सपथ ग्रहणसँगै पदभार ग्रहण कार्यक्रम सम्पन्न भएको छ ।

निवर्तमान गाउँपालिका अध्यक्ष कविन्द्र कुमार केसि र उपाध्यक्ष चन्द्रकला शाहीले समग्र सिम्ताको विकासमा अघिल्लो स्थानीय सरकारले गरेका कामकाजको राम्रो कामले प्राथमिकता पाउने कुरामा विश्वास व्यक्त गर्दै नव निर्वाचित पदाधिकारीलाई बधाई ज्ञापन गरिएको थियोे ।