सुर्खेतको चिङ्गाडमा दुई दलिय गठबन्धन टुट्यो, काँग्रेसले धोका दिएको माओवादीको आरोप
सुर्खेत । सुर्खेतको चिङ्गाड गाउँपालिकामा माओवादी–काँग्रेसको दुई दलिय गठबन्धन टुटेको छ । माओवादी केन्द्र चिङ्गाड गाउँ कमिटीले नेपाली कांग्रेसले धोका दिएको भन्दै गठबन्धन तोडेको छ ।
सचिव महेश जिसि र अध्यक्ष समरबहादुर कामीले संयुक्त विज्ञप्ति जारी गर्दै प्रदेशमा भएको सहमतिविपरीत कांग्रेस लागेको टिप्पणी गरेको छ ।
चिङ्गाड गाउँपालिकाको अध्यक्ष र उपाध्यक्ष नेपाली कांग्रेसलाई दिने र माओवादीको तर्फबाट विजयी भएका वडासहित ३ वटा वडा ने.क.पा. (माओवादी केन्द्र) को नेत्तृत्वमा गठबन्धन गरी निर्वाचन लड्ने अन्य ३ वटा वडा नेपाली कांग्रेसको नेतृत्वमा गठबन्धन गरी निर्वाचन लड्ने प्रदेश स्तरमा गरिएको सहमति लाई ने.क.पा. (माओवादी केन्द्र) को तर्फबाट इमान्दारीका साथ पालना भयो ।
उक्त सहमति कांग्रेसको तर्फबाट गठबन्धनको मर्मविपरीत एकलौटी उल्लंघन गरिएको कुरा अवगत गराउछौं’, विज्ञप्तिमा भनिएको छ । माओवादीले विज्ञप्तिमा कांग्रेसलाई मतदान नगर्न सार्वजनिक आव्हानसमेत गरेको छ ।
यहाँ नेकपा माओवादीले उपाध्यक्ष पदमा जितबहादुर रानाको उम्मेदवारी दर्ता गरेपनि पालिकाका ६ वडामध्ये ३, ५ र ६ नम्बर वडा माओवादीले उम्मेदवारी दिने र कांग्रेसले फिर्ता लिने सहमति भएको थियो ।
