गाेल्डेन बुढा

जुम्ला,२३ भदौ।
आइतबार निजामती सेवा दिवस-२०८२ को अवसरमा जुम्लामा आयोजित फुटबल प्रतियोगिताले यो साबित गर्‍यो- कार्यालयका दराजहरूमा सीमित देखिने कर्मचारीहरूका भित्र पनि एउटा उत्साही खेलाडी बसिरहेको हुन्छ।सरकारी डेस्कमा वर्षौँ बिताएका हातहरू, कागजमा दस्तखत गर्न खप्पिस ती औंलाहरू, र कति पटक सेवाग्राहीका गुनासो सुनेका ती कानहरू- सबै एकैपटक बद्लिए। निजामती सेवा दिवसको दिन, ती हातहरूले बल समाते, ती खुट्टाहरूले दौडिए, र ती मनहरूले सेवाभन्दा अघि मानिस हुनुको अनुभूति गरे।जुम्लाको सदरमुकाम खलङ्गास्थित नेपाली सेनाको खेलमैदान टुडिखेलमा आयोजित निजामती फुटबल प्रतियोगिता केवल एउटा प्रतियोगिता थिएन – त्यो मन-मुटु नजिक्याउने र आफ्नो स्वास्थ्य तथा सहकर्मीप्रतिको आदर प्रकट गर्ने माध्यम बन्यो।”हामी देशको सेवा गर्छौं, तर हामी आफैंलाई सेवा गर्न बिर्सिरहेका थियौं,” खेलपछि भिजेको जर्सीमा उभिएकी जुम्लाको पातारासी गाउँपालिका महिला तथा बालबालिका शाखा प्रमुख भगवती गिरीले भनिन्, “आज मलाई लाग्यो, देशसेवक हुनु भनेको काममै गुम्सिनु मात्र होइन, आफूभित्रको जीवन्तता जोगाउनु पनि हो।”दैनिक फाइल र फॉर्मबीच हराइरहेका अनुहारहरू दिवसको अवसरमा मैदानमा चम्किरहेका थिए। हरेक पासमा सहकार्यको अभ्यास थियो, हरेक गोलमा आत्मविश्वासको पुनर्जन्म।

खेलकुदको त्यो समय एक छुट्टै संसार बन्यो, जहाँ पदभन्दा माथि साथीपनाको स्पिरिट थियो।”प्रतियोगितामा, प्रशासन तर्फ र प्राविधिक तर्फका टिमले सहभागिता जनाए। तीमध्ये प्राविधिक तर्फकाे महिला टिम विजेता बन्देै चम्कियाे, जसले “कर्मको मैदानमा पनि जित्न सकिन्छ” भन्ने सन्देश दियो। भने, प्रशासन तर्फकाे महिला टिम उपविजेता बन्यो।यस्तै पुरुष तर्फ पनि प्राविधिक टिम विजेता बन्यो।भने महिला तर्फकाे महिला टिम जसले उपविजेता स्थान हात पार्‍यो, तर जित हारभन्दा ठूलो कुरा थियो -समानता, सम्मान र सद्भाव।”मैले सरकारी कार्यालयमा प्राविधिक ज्ञान पढाउँछु, तरदिवसका दिन मैदानमा खेलले मलाई जीवन पढायो,” एक कर्मचारीले प्रतियोगिता पछि भने।जुम्लाका प्रमुख जिल्ला अधिकारी केदारनाथ शर्माले उद्घाटन मन्तव्यमा भने,”आजको खेलले देखायो -जब कर्मचारी खुशी हुन्छ, संस्था बलियो बन्छ। यस्तो प्रेरणाले सेवा प्रवाहमा नयाँ ऊर्जा थप्छ।”उक्त प्रतियोगिताले सम्पूर्ण सरकारी सेवा प्रणालीभित्र एउटा गहिरो सन्देश छाडेको छ -“कर्मचारी पनि नागरिक हुन्, उनीहरूलाई पनि खुसी, स्वास्थ्य र सम्बन्ध चाहिन्छ।

महिलातर्फ प्राविधिक समूहले प्रशासन समूहलाई २-० गोलले पराजित गर्याे,भने। पुरुषतर्फ प्राविधिक समूह २-१ गोल अन्तरले विजयी भएको थियोे।”कार्यक्रमको समापनमा विजेता हुने प्राविधिक तर्फ महिला पुरुष दुबै टिमलाई नगद १० हजार ५ सय रुपैयाँसहित सम्मानपत्र वितरण गरियो।उपविजेता हुने प्रशासन तर्फकाे महिला र पुरुष टिमलाई प्रमाणपत्रमा चित्त बुझायो।स्वास्थ्यका लागि खेलकुद राष्ट्रका लागि खेलकुद भन्ने नारा तय गरिएको थियो।सहकर्मीहरूबीचको विश्वास। खेल सकियो, तर सम्बन्धको सुरुवात भयो।एक दिन, जसले सम्झायो – हामी केवल कर्मचारी होइनौं, हामी पनि मान्छे हौं।निजामती सेवा दिवसले हामीलाई कति औपचारिक बनाउँछ, तर आजको फुटबलले त्यो औपचारिकता तोड्यो। हरेक दौडमा जीवनको पुनः खोजी थियो, मैदानमा खेल मात्र होइन, अनुशासन र संयमको आदर्श प्रस्तुत गर्न सफल भयो।

खेल अवधिभर कुनै पनि अप्रिय घटना नभएको आयोजक समितिले जानकारी गरायो।हरेक हाँसोमा सम्बन्धको पुनर्स्थापना।यो केवल खेल थिएन -यो संवेदनशीलता, सहकार्य र समर्पणको पुनराविष्कार थियो।कर्मचारीहरूले आग्रह गरे “अब हरेक वर्ष होइन, हरेक तहमा यस्ता प्रतियोगिता गरिनुपर्छ।