काठमाडौं, २७ असोज ।

पोखरामा आयोजित नवौं राष्ट्रिय खेलकुद प्रतियोगितामा नेपाल प्रहरीको महिला क्रिकेट टिम दोस्रो खेलमा पनि विजयी भएको छ । नवौं राष्ट्रिय खेलकुद अन्तर्गत बुधबार भएको महिला २०–२० क्रिकेट खेलमा नेपाल पुलिस क्लब दोस्रो खेलमा पनि विजयी भएको हो।

११ औं राष्ट्रिय महिला क्रिकेट प्रतियोगितामा नेपाल पुलिस क्लबले दोस्रो खेलमा १ नम्बर प्रदेशलाई ११८ रनले पराजित गरेको छ। पोखरा रंगशालास्थित क्रिकेट मैदानमा टस हारेर पहिलो ब्याटिङ गरेको नेपाल पुलिस क्लबले निर्धारित २० ओभरमा ३ विकेटको क्षतिमा १५८ रनको योगफल बनाएको थियो।

जवाफी ब्याटिङमा आएको १ नम्बर प्रदेशले २० ओभरमा ८ विकेटको क्षतिमा ४० रन मात्र बनाएको थियो। प्रतियोगिता अन्तर्गत ब्याटिङतर्फ नेपाल पुलिस क्लबकी कविता कुँवरले ३७ रन, काजल श्रेष्ठले ६ रन, सम्झना खड्काले ६० रन, अप्सरी बेगमले २१ रन र रुबिना क्षेत्रीले १६ रन जोडिन् ।

बलिङतर्फ नेपाल पुलिस क्लबकी सबनम राई, कविता कुँवर र कविता जोशीले समान १ विकेट लिए भने हिरुमई रायले ३ विकेट लिइन े। खेलमा ४३ बलमा १० चौकसहित ६० रन बनाउनुभएकी नेपाल पुलिस क्लबकी सम्झना खड्का प्लेयर अफ द म्याच घोषित भएकि छन् ।

जितसँगै नेपाल प्रहरीको महिला क्रिकेट टिम समूह ‘बी’ मा ४ अंकसहित पहिलो स्थानमा पुगेको छ। टिमले असोज २८ गते लुम्बिनी प्रदेशसँग तेस्रो खेल खेल्ने छ।

गोरखापत्र