२४७४ नयाँ संक्रमित थपिँदा २५१८ जना कोरोनामुक्त
काठमाडौं । पछिल्लो २४ घण्टामा देशभर २ हजार ४ सय ७४ जनामा कोरोना संक्रमण पुष्टि भएको छ ।
यही समयमा १२ हजार दुई सय ३२ जनाको कोरोना परीक्षण गरिएको स्वास्थ्य तथा जनसंख्या मन्त्रालयले जनाएको छ । साथै दुई हजार पाँच सय १८ जना कोरोनामुक्त भएका छन् ।
त्यस्तै कोरोना संक्रमणबाट २४ जनाको मृत्यु भएको मन्त्रालयले जनाएको छ। योसँगै मृत्यु हुनेको संख्या ८ हजार ९ सय १८ जना पुगेको छ ।
काठमाडौं उपत्यकाभित्र तीन सय ३५ जना कोरोना संक्रमित भेटिएका छन्। जसमा काठमाडौंमा दुई सय ३४, भक्तपुरमा ३३ र ललितपुरमा ६८ जना रहेका छन् ।
