मोटरसाईकल दुर्घटनामा एकको मृत्यु
गुर्भाकोट, २५ फागुन ।
सुर्खेतको भेरीगंगा नगरपालिकामा मोटरसाईकल दुर्घटनामा परी एकको मृत्यु भएको छ । मृत्यु हुनेमा गुर्भाकोट नगरपालिका–६ का २७ वर्षीय कृष्णबहादुर विक रहेका छन् ।
प्रहरी चौकी रामघाट सुर्खेतका अनुसार बुधबार बिहान ६ः४५ बजेको समयमा भेरीगंगा नगरपालिका–११ पातलेखोलामा मोटरसाईकल दुर्घटनामा परेको हो ।
दुर्घटनामा पर्ने मोटरसाईकल छिन्चु–जाजारकोट सडक खण्डमा जाजरकोटबाट छिन्चुका लागि छुटेको कर्णाली प्रदेश ०२००१ प ९६०५ रहेको छ ।
उक्त मोटरसाईकल अनियन्त्रित भई खोलामा खस्न जाँदा मोटरसाईकल चालक गुर्भाकोट नगरपालिका–६ का २७ वर्षीय कृष्णबहादुर विक घाइते भएका थिए ।
उनलाई तत्काल उद्धार गरी उपचारको क्रममा मेहेलकुना अस्पतालमा लगिएको र उपचारको क्रममा मृत्यु भएको प्रहरीको भनाई रहेको छ ।
