जहाँ पहिलो पटक पुग्यो फोन
काठमाडौं २५ जेठ ।
चिनियाँ सीमा नजिकैको नेपाली गाउँ तिंकरमा पहिलो पटक फोन पुगेको छ । दार्चुला जिल्लाको व्याँस गाउँपालिका–१ को तिंकरमा सोमबार नेपाल टेलिकमको एनटीसेट प्रविधिमार्फत् दुई वटा फोन जोडिएको हो। पहिलो पटक फोन पुगेपछि तिंकरबासीमा खुसीयाली छाएको छ ।
फोन जडान भएसँगै स्थानीयले बाहिर रहेका आफन्तसँग कुराकानी गरेका छन् । व्याँस– १ का वडा सचिवसमेत रहेका स्थानीय विनोदसिंह बुढाथोकीका अनुसार तिंकर गाउँ नेपाल र चीन सीमाको पहिलो नम्बर पिलरदेखि चार–पाँच किलोमिटरको दुरीमा छ ।
तिंकरमा ७० घर परिवारको बसोबास छ । त्यहाँका बासिन्दा छ महिना गाउँमा र छ महिना बाहिर बस्छन्। कात्तिकपछि चिसो बढ्ने भएकाले गाउँलेहरू सदरमुकामतिर झर्ने गरेको बुढाथोकीले बताए ।
पहिला सदरमुकामबाट गाउँ जाँदा पुग्यो कि पुगेन भन्ने खबर पनि गर्न सकिन्थ्यो। अब सुविधा भएको छ,’ बुढाथोकीले भने ।
हिउँदमा बस्ती सर्दा फोनलाई घरमै ताला लगाएर सुरक्षित राखिने उनले बताए । स्रोत ः सेतोपाटी
