रुकुम पश्चिमबाट अर्थमन्त्री शर्मा चौथो पटक विजयी
रुकुम पश्चिम,९ मंसिर ।
अर्थमन्त्री जनार्दन शर्मा रुकुम पश्चिमबाट प्रतिनिधि सभा सदस्यमा विजयी भएका छन् । वाम–लोकतान्त्रिक गठबन्धनका तर्फबाट उम्मेदवार ुभएका नेकपा माओवादी केन्द्रका उपमहासचिव शर्मा रुकुम पश्चिमबाट चौथो पटक निर्वाचित भएका हुन् ।
मुख्य निर्वाचन अधिकृतको कार्यालयका अनुसार शर्माले ३९ हजार ५४९ मत ल्याएर विजयी भएका हुन् । उनले नेकपा एमालेका उम्मेदवार नन्दराम देवकोटालाई २६ हजार ५८८ मतले पराजित गरेका छन् । एमालेका देवकोटाले १२ हजार ९६१ मत ल्याएका छन् ।
त्यसै गरी स्वतन्त्र उम्मेदवार तारक केसीले ती हजार ५६७, राष्ट्रिय प्रजातन्त्र पार्टीका दीपक मल्लले ७९६, मङ्गोल नेशनल अर्गानाईजेशनका हरिबहादुर पुनले २०८ र स्वतन्त्र उम्मेदवार राजन पाण्डेले २१४ मत प्राप्त गरेका छन् ।
