काठमाडौं : पछिल्लो २४ घण्टामा देशभर एक हजार ३ सय ८८ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयको पछिल्लो विवरण अनुसार १० हजार २ सय ९७ जनाको पिसिआर र एन्टिजेन परीक्षण गर्दा एक हजार ३ सय ८८ जना संक्रमित थपिएका हुन्।

यस्तै आज २४ जना संक्रमितको मृत्यु भएको छ। आज नयाँ संक्रमित भन्दा संक्रमणमुक्त हुने संख्या दोब्बर धेरै छ। २४ घन्टामा २ हजार २ सय ६० जना संक्रमितले कोरोनालाई जितेका छन्। यस्तै हाल देशभर ३५ हजार ७ सय ९६ जना संक्रिय संक्रमित रहेका छन्।