औद्योगिक क्षेत्रका कर्मचारी र मजदुरलाई कोरोना विरुद्धको खोप
सुर्खेत । वीरेन्द्रनगर औद्योगिक क्षेत्रका सबै कर्मचारी र मजदुरलाई कोरोना बिरुद्धको खोप लगाइएको छ ।
मंगलबार औद्योगिक क्षेत्रमा कार्यरत कर्मचारी र मजदुरसमेत गरेर करिव दुईसय जनालाई कोरोना बिरुद्धको खोप लगाइएको हो ।
अत्यावश्यक सेवाहरु (डेरी, पानी, प्रेस र इन्जिनियरिङ) उद्योगहरुमा कार्यरत मजदुरलाई कोरोना बिरुद्धको पहिलो चरणको खोप लगाइएको हो ।
खोप लगाएपछि औद्योग व्यवसाय गर्न सहज हुने कार्यालय प्रमुख जीवनारायण बन्जाडेले जानकारी दिए । औद्योगिक क्षेत्रमा हाल विभिन्न २१ वटा उद्योगहरु सञ्चालित छन् ।
