२०८३ मंसिर ७ गते
वीरेन्द्रनगर, सुर्खेत 15°C
कर्णाली प्रदेशको पहिलो राष्ट्रिय दैनिक निष्पक्षता, निर्भिकता, निरन्तरता

अनमीमाथि जातीय विभेद गरेको आरोपमा स्वास्थ्य चौकीका इन्चार्ज पक्राउ


जिल्ला प्रहरी कार्यालय मुगुले अनमी तुल्सा विश्वकर्मामाथि जातीय विभेद गरेको आरोपमा स्वास्थ्य चौकीका इन्चार्जलाई पक्राउ गरेको छ ।

सोरु गाउँपालिका–९ स्थित खनायाँ स्वास्थ्य चौकीमा कार्यरत अनमी विश्वकर्मामाथि जातीय विभेद गरेको आरोपमा उक्त स्वास्थ्य चौकीका इन्चार्ज सुरजकुमार शाहीलाई पक्राउ गरिएको जिल्ला प्रहरी कार्यालय मुगुले जनाएको छ ।

अनमी तुलसामाथि जातीय विभेद गरेको आरोपमा सुरजकी आमा झापु शाही र अर्का सोरु गाउपालिका–६ का धनप्रसाद भट्टलाई शनिवार पक्राउ गरी अनुसन्धानका लागि अदालतबाट सात दिन म्याद थप गरिएको जिल्ला प्रहरी कार्यलय मुगुका प्रहरी निरीक्षक तथा सूचना अधिकारी प्रकाशसिंह कार्कीले बताए ।

अनमी विश्वकर्माले आफूमाथि जातीय विभेद भएको भन्दै तीन जनाविरुद्ध जिल्ला प्रहरी कार्यालयमा किटानी जाहेरी दिएकी थिइन् ।

दाङ तुल्सीपुर घर भई सोरु गाउँपालिका–९ स्थित खनायाँ स्वास्थ्य चौकीमा कार्यरत अनमी विश्वकर्मा स्वास्थ्य चौकी इर्न्चाज सुरजको घरमा ११ महिनादेखि डेरा गरी बस्दै आएकी थिइन् ।

अनमीमाथि जातीय विभेद गरेको आरोपमा स्वास्थ्य चौकीका इन्चार्ज पक्राउ

YUGAAWHAN NATIONAL DAILY (2080-09-09)

अनमीमाथि जातीय विभेद गरेको आरोपमा स्वास्थ्य चौकीका इन्चार्ज पक्राउ

सुर्खेतमा टाइफाइडबिरूद्द खोप अभियान सञ्चालन हुँदै