त्रिभुवन माविमा अनेरास्ववियुको कमिटी
दल्ली (जाजरकोट), १५ चैत्र ।
नलगाड नगरपालिका–७ दल्लीमा रहेको त्रिभुवन माध्यमिक विद्यालय कृषितर्फ अनेरास्ववियुको प्रारम्भिक कमिटी गठन गरिएको छ । पदम डाँगीको अध्यक्षतामा १५ सदस्यीय नेकपा एमाले निकट विद्यार्थीहरुको संगठन अनेरास्ववियु प्रारम्भिक गठन गरिएको छ ।
कमिटीको उपाध्यक्षमा बागेश्वरी बटला, सचिवमा पुजा रोकाय, सहसचिवमा कल्पना पुन, कोषाध्यक्षमा अमृता घर्ती चयन हुनुभएको छ । नेकपा एमाले प्रदेश कमिटी सदस्य नवराज सिंहको प्रमुख आतिथ्यता, एमाले जिल्ला कमिटी सचिबालय सदस्य सुनिता बोहरा, एमाले नगर कमिटी उपाध्यक्ष हेमन्त बुढाको उपस्थितिमा विद्यार्थीको कमिटी गठन गरिएको थियो ।
