वडाध्यक्ष पन्तले भने, सानोतिनो विकासको काममा सरकारी बजेट खर्च गर्नु पर्दैन
दिपेन्द्र शर्मा
जाजरकोट १६ साउन ।
जाजरकोट नलगाड नगरपालिका ४ का वडाध्यक्ष बद्री पन्तले गाउँलेहरुको सहयोगमा सरकारी रकम खर्च नगरी गोरेटोको बाटो निर्माण गरेका छन् । बाढी पहिरोको कारण गाउँलेलाई आउन जान निकै समस्या भएको हुदा बाटो वडाध्यक्षको पलह र सक्रियता खनिएको हो ।
बाटो खन्न वडाध्यक्ष पन्त आफै कोदालो र फरुवा बोकेर गएका थिए । डोजरले सडक खन्दा बर्षेदेखि गाउँलेहरु हिडने गरेको बाटो बाढी पहिरो आएर विग्रएको थियो । बाटो नहुँदा पशुचौपाय ल्याउन लैजान पनि निकै समस्या भएको थियो । खन्नेरी बाइठाना हुँदै सिमा काल्चिउरासम्मको बाटोलाई मर्मैत गरेर मानिस र पशुचौपाय हिडने बनाइएको स्थानीय हिरालाल रावलले बताए ।
वडाध्यक्षले पहल कदमी नलिएको भए सायद बाटो बन्दैन्थ्यो होला, उनले भने, बाटो खन्न वडाध्यक्ष आफै कोदालो र फरुवा वोकेर आएपछि गाउँले साथ नदिने कुरै भएन । वडाध्यक्षकै आँटले गर्दा बाटो निर्माण गर्न सफल भएको उल्लेख गदै उनले मान्छेहरु विते भने पनि घाटसम्म लिन निकै सकस थियो अब त्यो समस्या अन्त्य भयो ।
बाढी पहिरोको कारण गाउँबासीको बर्षे पुरानो बाटो विग्रेर जोखिमपूर्ण भएको देखेपछि आफै बाटो निर्माणमा जुटेको वडाध्यक्ष पन्तले बताए । उनले भने, सानो तिनो विकास निर्माणको लागि सरकारी बजेट नै खर्च गर्नु पर्छ भन्ने छैन । श्रमदान गरेर पनि विकासका कामहरु गर्न सकिन्छ ।
Chandra Bdr Khatri भेरिगङ्गा १० सुर्खेत नेपाल
04th Aug 2022सर्बप्रथम त आत्मिय भाइ बद्री लाई हार्दिक आभार प्रकट गर्दछु ।
नेपाल भरिका वडा अध्यक्ष लगाएत सरकार लाई नै गतिलो चुनौती हो यो जनताले कर तिरेको रकम बाट परिवार धान्ने सम्पुर्ण जन प्रतिनिधि हरुले बद्री पन्त बाट पाठ सिक्न जरुरी छ ।