श्री एअरलाइन्सको विमान उडेको केहीबेरमै आपत्कालीन अवतरण
नेपालगञ्ज १९ साउन ।
नेपालगञ्जबाट काठमाण्डौका लागि उडेको केहीबेरमै इञ्जिनमा समस्या देखिएपछि श्री एअरलाइन्सको जहाज फेरि नेपालगञ्जमै अवतरण गराइएको छ ।
विमान उडेको केहीबेरमा पाइलटले केही समस्या भएको जानकारी गराएपछि विमान नेपालगञ्जमै फर्काइएको श्री एअरलाइन्सका प्रबन्धक अनिल मानन्धरले जानकारी दिए । ‘विमानमा झन्डै ८० जना यात्रु थिए, के भएको रहेछ म पनि बुझ्दैछु’ उनले भने ।
बिहान ९ बजेर ४९ मिनेटमा उडेको जहाज पाँच मिनेट नपुग्दै फेरि नेपालगञ्ज फर्किएको नेपालगञ्ज विमानस्थल कार्यालयले जनाएको छ । जहाजमा भएका सबै यात्रुलाई बाहिर निकालिएको छ भने अहिले जहाज पार्किङमा राखिएको छ ।
उज्यालो
