आमिर–किरणको सम्बन्धविच्छेदपछि ट्रोल भइन् फातिमा सना शेख, नायिकालाई दिइँदैछ बधाई
एजेन्सी । बलिउड अभिनेता आमिर खान र किरण रावले शनिबार एक संयुक्त वक्तव्य जारी गर्दै आफ्नो सम्बन्धविच्छेदबारे घोषणा गरे ।
यस वक्तव्यपछि उनीहरुका प्रशंसक यी दुईको सम्बन्धविच्छेद भएकोमा अचम्मित भएका छन् ।
तर यी दुईको सम्बन्धविच्छेदका कारण नायिका तथा आमिर खानकी को–स्टार फातिमा सना शेख ट्वीटरमा ट्रेन्ड भएकी छिन् ।
ट्वीटरमा थुप्रै प्रयोगकर्ताले आमिर खान र किरण रावको सम्बन्धविच्छेद हुनुको कारण फातिमा सना सेख भएको आरोप लगाएका छन् ।
आमिर र फातिमा सनाको बढ्दो निकटताका कारण किरण रावले सम्बन्धविच्छेदको निर्णय गरेको धेरैले बताइरहेका छन् ।
आमिर–फातिमाको लिङ्कअपको खबरः
स्मरण रहोस्, फातिमा सना शेखले फिल्म ‘दंगल’ बाट डेब्यू गरेकी थिइन् । यसमा उनी आमिर खानकी छोरीको भूमिका निभाएकी थिइन् ।
फिल्म बक्स अफिसमा हिट भयो । दंगलको सफलतापछि फातिमा सना शेखले आमिर खानसँग ‘ठग्स अफ हिन्दोस्तान’ मा काम गरिन् र त्यसपछि यी दुबैको अफेयरको खबर सार्वजनिक हुन थालेको छ ।
