घरदैलोमै सामाजिक सुरक्षा भत्ता
कालीकोट, १८ असार ।
यहाँस्थित रास्कोट नगरपालिकाले घरदैलोमै पुगेर लाभाग्राहीलाई सामाजिक सुरक्षा भत्ता वितरण गरेको छ । ज्येष्ठ नागरिक, अशक्त तथा अपाङ्गता भएका लाभग्राहीका लागि घरदैलोमै पुगेर सामाजिक सुरक्षा भत्ता वितरण हो ।
नगरपालिका–६ मा ४५, वडा नं. ७ मा २५, वडा नं ८ मा १८ र वडा नं ९ मा ३४ जना गरी कुल १२२ जनालाई सामाजिक सुरक्षा भत्ता वितरण गरिएको नगरपालिकाका सामाजिक विकास शाखा संयोजक हुकुम शाहीले जानकारी दिए । “लाभग्राहीको सहजताका लागि नगरपालिकाले ग्लोबल आइएमई बैङ्कसँगको सहकार्यमा घरदैलोमा पुगेर भत्ता वितरण गर्ने व्यवस्था मिलाएको हो”, उनले भने ।
