गाेल्डेन बुढा

जुम्ला,२९ कार्तिक ।
समाजमा कहिलेकाहीँ साना घटनाले पनि ठूलो संदेश बोकेर जान्छन्—मानवता, इमानदारी र प्रहरी–समुदाय सहकार्य कति महत्त्वपूर्ण छ भन्ने कुरा उजागर गर्ने। जुम्लामा सार्वजनिक भएको एउटा प्रेरणादायी घटनाले आज फेरि पुष्टि गरिदियो कि प्रहरीको भूमिका अपराध नियन्त्रणमै सीमित हुँदैन; नागरिकको पीडा बुझ्ने, समस्या समाधान गर्ने र संकटमा साथ दिने मानवीय हात पनि हो।जुम्लाको सिंजा गाउँपालिका–५ फुङ्ग गाउँकी ७६ वर्षीया खुम्मेनी रोकाया शुक्रबार अत्यावश्यक कार्यका लागि जुम्ला बजार आउँदै थिइन्। यात्रा सकिएपछि जब उनले आफ्नो झोलामा रकम हेर्न खोजिन्, उनको अनुहार एकछिनमै उदास भयो,गाडीभित्र छुटेको ४२ हजार ९ सय (अक्षरूपी बयालिस हजार नौ सय रुपैयाँ) हराइरहेको थियो।उमेर, थकान र हराएको पैसाको चिन्ताले उनी हतास बनीन्।

तुरुन्तै उनी जिल्ला प्रहरी कार्यालय, जुम्ला पुगिन् र सहायता मागिन्। उक्त निवेदनलाई प्रहरी टोलीले सामान्य हराएको रकमको रूपमा होइन, वरिष्ठ नागरिकका हितसँग जोडिएको संवेदनशील विषयका रूपमा लिएर विशेष प्राथमिकता दियो।प्रहरीले तत्कालै यात्रामा प्रयोग भएका सवारी साधनहरूको जानकारी सङ्कलन गर्‍यो। गाडीको भित्री जाँच, सम्भावित व्यक्तिहरूसँग सोधपुछ, बजार क्षेत्रमा प्राप्त वस्तुहरूसम्बन्धी सूचनाको क्रस–चेकलगायतका गतिविधि एकैसाथ अघि बढाइयो। स्थानीयवासीको सहयोग पनि मिसिएपछि खोजतलास झन् प्रभावकारी बन्यो। केही घण्टाको निरन्तर प्रयासपछि उक्त रकम सुरक्षित अवस्थामा फेला पार्न प्रहरी सफल भयो।फेला परेको रकम आज (शनिबार) दिउँसो ३ः५० बजे जिल्ला प्रहरी कार्यालयमै रोकायालाई औपचारिक रूपमा हस्तान्तरण गरियो। रकम बुझ्दा रोकाया भावुक भइन्।उनका शब्दहरू थिए।“म त जीवनभरकै काम बिग्रेलाजस्तो लागेको थियो। प्रहरी र सबै सहयोगीप्रति म जीवनभर ऋणी हुनेछु। प्रहरी भनेको डर लाग्ने होइन, भरोसा गर्न सकिने संस्था रहेछ।”साथै उपस्थित स्थानीयहरूले पनि प्रहरीको मानवतापूर्ण सेवा, निष्पक्षता र सक्रियताप्रति खुलेर प्रसंसा व्यक्त गरे।घटनाबारे जिल्ला प्रहरी कार्यालय, जुम्लाले प्रतिक्रिया दिंदै भन्यो,“प्रहरी समाजकै हिस्सा हो। नागरिकको समस्या बुझेर समाधान गर्नु हाम्रो दायित्व र गर्व हो। यस्तो सहकार्यले प्रहरीले जनतासँगको विश्वास अझ मजबुत बनाउँछ।”यस घटनाले न केवल एक वृद्ध आमाको गुमेको सम्पत्ति सुरक्षित गर्‍यो, तर समाजमा इमानदारी अझै जीवित रहेको, र प्रहरी नागरिककै सहारा बन्ने संस्थाका रूपमा स्थापित भइरहेको सन्देश पनि दियो।जुम्लामा देखिएको यो घटना रकम फिर्ता गरिदिनुको सामान्य उदाहरण मात्रै होइन्।

प्रहरी सेवाको मानवीय पाटो,नागरिक–प्रहरी सम्बन्धको बलियो विश्वास,सहानुभूति र इमानदारीको जीवित शक्ति रयी सबैलाई एउटै बिन्दुमा उभ्याउने दुर्लभ क्षण हो।, यस घटनाले पुनः एकपटक साबित गरिदियो।“प्रहरी पक्राउ मात्र गर्दैन, आवश्यकता परे मन पनि खोल्छ र नागरिकको सहारा बन्न अगाडि सर्दछ।”समुदाय र प्रहरी दुवैको प्रतिष्ठा उकास्ने यो घटना समाजका लागि प्रेरणादायी उदाहरण बनेको छ।