सुर्खेत ।

नेकपा एमालेका अध्यक्ष केपी शर्मा ओलीले पदका लागि मात्र दलहरु मिलेर सरकार बनाएको आरोप लगाए ।

पार्टीको कर्णाली प्रदेश अधिवेशनको उद्घाटन सत्रमा बोल्दै उनले अन्य दलहरुसँग विकासका अवधारणाहरु नभएको दावि गरे । एमालेले राणा शासनबाट यो अवस्थामा ल्याउन त्याग गरेको उनले बताए ।

एमाले नयाँ दल भएको उनले दावि गरे । एमालेका संगठनहरुमा समेत पदाधिकारीहरु नयाँ–नयाँ फेरिरहने हुँदा एमालेलाई नयाँ दल भन्न मिल्ने उनले बताए ।

अनौपचारिक क्षेत्रमा सामाजिक सुरक्षाका प्रवन्ध, हुलाकी राजमार्ग, मदन भण्डारी राजमार्ग लगायतका एमालेले शुरु गरेका कार्यक्रमले विकासलाई सघाउँ पु¥याएको उनले बताए ।

नेपालमा रेल खरिद तथा त्यसका लागि लिग समेत एमालेले नै निर्माण गरेको उनले बताए । एमालेले रेलको कुरा गर्दा रेलको खेलौना देखाएर मजाक उठाएको उनले स्मरण गरे ।

सिँजा सभ्यता, दुल्लु सम्भयता लगायतका स्थल रहेका कर्णाली अहिले पछि परेको उनले बताए । ‘ईतिहास सभ्यताहरु अरु देशमा भेटिदैनन् । कर्णालीमा हजारौ वर्षपहिले पनि विश्व विद्यालयहरु थिए । दर्शक, युगको शुरुवात यहाँ भएको थियो’, उनले भने ।

दुर्गमलाई सुगममा बदल्ने, उत्पादनमा वृद्धि गर्ने, सक्षम र दक्ष जनशक्तिको विकास गर्नुपर्ने उनले बताए ।