जुम्लामा जन्ती गएर फर्किएका पुरुषको मृत्यु
जुम्ला,१८ मंसिर ।
जुम्लामा जन्ती गएर घर फर्कने क्रममा एक जनाको मृत्यु भएको छ । तिला गाउँपालिका–६ का अन्दाजी ४७ वर्षीय देव रावतको लडेर मृत्यु भएको हो ।
जिल्ला प्रहरी कार्यालय जुम्लाका प्रहरी निरीक्षक धर्मराज जोशीका अनुसार मृतक रावतले अत्यधिक मदिरा सेवन गरेको भेटिएको थियो । सँगैका साथीहरु समयमै घर फर्किए पनि उनी नआएपछि खोजी गरिएको थियो ।
तिला–१ राराको सेरी बजारबाट घर फर्केका रावतको लडेर मृत्यु भएको हो । शव पोस्टमार्टमका लागि कर्णाली स्वास्थ्य विज्ञान प्रतिष्ठान ल्याउने काम भइरहेको प्रहरी निरीक्षक जोशीले जानकारी दिए ।
कान्तिपुर
