हास्यकलाकार कृष्णा अभिषेक ३० मे मा आफ्नो जन्मदिन मनाइरहेका छन् । कृष्णा दिग्गज अभिनेता गोबिन्दाका भाञ्जा हुन् । उनले गोबिन्दाको भाञ्जा भएका कारण सुरुमा लाइमलाइट पाए ।

कृष्णा गोबिन्दाको मिमिक्री र डान्स स्टेप्स गरेर चर्चित भए । तर यो कुरामा दुई मत छैन कि कृष्णाको करियरको गाडी गोबिन्दाका कारण त चल्यो तर त्यसपछि उनले आफ्नो बलबुँतामा करियरलाई अघि बढाए । अभिषेक आफ्नो वर्कफ्रन्टबाहेक कश्मिरासँगको सम्बन्धका कारण पनि चर्चामा रहन्छन् । चर्चा गरौं यी दुईको प्रेमकथाबारेः

कश्मीरा र कृष्णाले आफ्नो प्रमेकथाको सुरुवातबारे एउटा बोल्ड स्टेटमेन्ट दिएका थिए । दुबैले खुलासा गरेका थिए कि उनीहरुको प्रेमकथा वान नाइट स्ट्यान्डपछि सुरु भएको थियो । कृष्णाले भनेका थिए, ‘क्यासले मलाई सुरुवातदेखि नै हिन्ट दिइरहेकी थिइन् । एकपटक हामी गाडीमा बसेका बेला बत्ती गएको थियो ।’

‘त्यसपछि मैले भनेँ, ‘अब के गर्ने ? ’ यस्तो स्थितिमा सबैले यस्तै नै भन्नेछन् । त्यसपछि जवाफमा कश्मीराले भनिन्, ‘किन केही गर्ने ?’ यसरी नै यो सबै सुरु भएको थियो ।’ कश्मीराले त्यस रातपछि कृष्णा उनका लागि असाध्यै धेरै केयरिङ भएको स्वीकार गरिन् । कृष्णाले कश्मीराका लागि खान लिएर आउँथे ।

कृष्णा र कश्मीरा पहिलो पटक फिल्म ‘और पप्पू पास हो गया’ को सेटमा भेटेका थिए । त्यतिबेला कश्मीरा पहिलो श्रीमानबाट अलग्गिएकी थिइन् । कृष्णा पहिलो दिनदेखि नै कश्मीराका लागि सफ्ट कर्नर राख्ने गर्दथे । तर जब उनलाई कश्मीरा विवाहित हुन् भन्ने थाहा भयो तब उनी निकै निराश भएका थिए ।