सभापति देउवालाई रामचन्द्र पौडेलद्वारा बधाई
काठमाण्डौ : नेपाली कांग्रेसका नेता रामचन्द्र पौडेलले नवनिर्वाचित सभापति शेरबहादुर देउवालाई बधाई दिनुभएको छ । पौडेलले एक विज्ञप्तिमार्फत देउवालाई बधाई दिँदै राष्ट्रिय जीवन र पार्टीको जीवन गम्भीर मोडमा रहेकाले यसतर्फ ध्यान दिन आग्रह गर्नुभएको छ ।
पौडेलले सात दशक लामो संघर्षबाट स्थापित भएको लोकतन्त्र र संविधानसभामार्फत जारी भएको संविधान खतरामुक्त नरहेको भन्दै दुवै संकटलाई पार लगाउन एकतावद्ध र सृदृढ कांग्रेस अहिलेको आवश्यकता रहेको पनि बताउनुभएको छ । देउवालाई लोकतन्त्र र सुशासनको रक्षामा सफलता मिलोस् भन्दै पौडेलले शुभकामना दिनुभएको छ ।
