काठमाडौं । गण्डकी प्रदेश सरकारका मुख्यमन्त्री पृथ्वीसुब्बा गुरुङले पर्सि बिहीबार प्रदेशसभामा विश्वासको मत लिने भएका छन् ।

प्रदेशसभाको ठूलो दलको नेताको हैसियतमा गत वैशाख २९ गते गुरुङ मुख्यमन्त्रीमा नियुक्त भएका थिए ।

३० दिनभित्र विश्वासको मत लिनुपर्ने संवैधानिक प्रावधानअनुसार गुरुङले बिहीबार विश्वासको मत लिन लागेका हुन् ।

यसबारे मुख्यमन्त्री गुरुङले प्रदेशसभा सचिवालयलाई आज पत्रमार्फत जानकारी गराएको संसद सचिवालयकी सुचना अधिकारी सपना अधिकारीले जानकारी दिइन् ।