दुर्गा विसि

सल्यान । ट्रकले खुट्टा कुचेले पछि एउटा खुट्टा गुमाएकी बनगाड कुपिण्डे नगरपालिका वडा ५ निवासी टीका परियार एक संस्थाको सहयोगमा उनको कृतिम खुट्टा तयार भएको छ । हिडुल गर्न नसक्ने अहिले भने मज्जाले कसैको साहारा विना हिड्न सक्ने भएकि छन् ।

७ वर्ष अघि तिहारको समयमा भैली नाच हेर्न वजार गएको वेला उनको दाहिने खुट्टा ट्रकले कुल्चियो र औषधि गर्दा उक्त काटिएको थियोे ।औषधि उपचारका लागि ट्रक व्यवसायी समितिले दिएको २ लाख उठाएर बाबू हिरालाल परियार भने दोस्रो श्रीमति भगाइ भारत छिरे ।

अहिले उनी सम्पर्कमा नरहेको टिकाको आमा सुमित्रा परियारको दुखेसो छ । टीका भने प्रभाकर मावि देवस्थलमा कक्षा ४ मा पढ्छिन ।मामा घरमै वस्दै आएकी टीका भने कहि कसो आफन्तले वोकेर स्कुल छोडिदिन्छन् । पढ्ने रहर हुदाहुदै समेत उनी हिड्न अशक्त हुदा पढाइ छुट्ने गरेको हुन्छ । धेरै स्कुल नगएरै नै कक्षामा दोस्रो हुने अब भने कृतिम खुट्टा भए पछि पहिलो हुने जनाउछिन् ।

किनकि अब भने विद्यालय खुले नियमित पढ्न जाने भएकि छन् । उनको लागि लाखौं रकम खर्चेर अपांग बाल अस्पताल तथा पुनस्र्थापन केन्द्र वनेपा काभ्रेको ठुलो आर्थिक सहयोगमा उनको सल्याक्रीया पछि कृतिम खुट्टा जडान गरिएको छ । यो कार्यामा ठुलो सहयोग गरिदिने अपांग बाल पुनस्र्थापन केन्द्र सल्यानका प्रतिनिधि तथा सुपरभाइजर होमराज केसिलाइ टिकाकि आमा सुमित्रा भगवान भएको बताउछिन । संस्था र केसिको यो काम प्रती वालिकाको परिवार निकै खुसि बनेको छ ।

उपचार गर्न छाडेर उल्टै वावुले उपचारका लागि दिएको रकम उठाए कान्छी श्रीमति भगाएर भागे पछि दुई छोरि सहित सुमित्रा माइतीघरमा बस्दै आएको वताउछिन ।घरमा पनि वस्न नदिइ भगाएको उनको दुखेसो छ ।अपांग छोरिको चिन्तामा पिरोलिएकी उनी अहिले भने थोरै साहस पलाएको बताउने गरेकि छन् ।

छोरि आफै हिडुल गर्न सक्ने भए पछि केही मन शान्त रहेको उनको भनाइ छ ।पापि श्रीमान अर्को लिइ भागेको छ ।छोरिको उपचारका लागि दिएको रकम समेत उठाइ फरार रहेको उनको दुखेसो छ । ४ महिना वनेपा अपांग बाल अस्पतालमा उपचार पछि छोरिको खुट्टाको समस्यामा धेरै प्रगति भएको उनको भनाइ छ । हाल टीका सल्लिवजारमा रहेको आमासँगै मावलिमा वस्दै आएकी छन् ।