सुर्खेत । दैलेखमा अज्ञात समूहले एक स्वास्थ्य चौकीमा तोडफोड र लुटपाट गरेको छ।

सोमबार राति आठबीस नगरपालिका–५ पिपलकोटमा रहेको स्वास्थ्य चौकी तोडफोड र लुटपाट गरेको हो।

अज्ञात समूहले केही हप्ताअघि खरिद गरिएको ल्यापटप सहित स्वास्थ्य सामग्रीहरु, सोलारका सामग्री, मास्क, स्यानीटाइजर, न्यानो झोला, साबुन, कोलगेट, कापी र डट्पेनसमेत चोरी गरेका जिल्ला प्रहरी कार्यालय दैलेखले जनाएको छ।

स्वास्थ्य चौकीको झ्याल र तीनवटा ढोका फोडी लुटपाट गरेको दैलेखका डीएसपी अनुपम श्रेष्ठले जनाए। घटनाबा छानविनका लागि प्रहरी घटनास्थल पुगेको छ।